ປະຫວັດຄວາມເປັນມາຂອງວິທະຍາໄລເຕັກນິກ - ວິຊາຊີແຂວງຄໍາມ່ວນ
ໃນປີ 1965 ໄດ້ສ້າງຂຶ້ນແລະມີຊື່ວ່າ “ໂຮງຮຽນການຊ່າງຊົນນະບົດ ” ເປີດສອນຫລັກສູດວິຊາຊີບໃຫ້ຊາວບ້ານໃນສາຂາວິຊາ: ຊ່າງກໍ່ ແລະຊ່າງໄມ້ .
ໃນປີ 1999 ທາງກົມອາຊີວະສຶກສາ ແລະການສຶກສາຊັ້ນສູງ (ກະຊວງສຶກສາທິການ ) ກໍໄດ້ສະເໜີໄປຫາລັດຖະບານ ແລະລັດຖະບານກໍໄດ້ຍື່ນສະເໜີຂໍການຊ່ວຍເຫລືອຈາກ ປະເທດລຸກຊຳບວກ
ປີ 2001 ທາງຝ່າຍລັດຖະບານລຸກຊຳບວກກໍໄດ້ເຫັນດີໃຫ້ການຊ່ວຍເຫລືອ. ນັບແຕ່ນັ້ນມາ ເລິ້ມຕົ້ນເປັນຮູບຮ່າງ ໂດຍໄດ້ສຶກສາ ຄວາມເປັນໄປໄດ້ສ້າງເອກະສານໂຄງການແລະໄດ້ຈັດພິທີ ການເຊັນສັນຍາ ອະນຸມັດການຊ່ວຍເຫລືອລ້າ ໃນເດືອນ ກຸມພາ ປີ 2002 ທີ່ ນະຄອນຫລວງວຽງຈັນ (ໄລຍະໂຄງ ການແຕ່ 2002 ຫາ 2005 )
ການເລິ້ມຕົ້ນໂຄງການທີ່ແທ້ຈິງແມ່ນຢູ່ທ້າຍປີ 2002 ໂດຍໃສ່ຊື່ວ່າ “ໂຄງການປັບປຸງໂຮງຮຽນວິຊາຊີບຄຳມ່ວນ” ( Project LAO/oo8 , Thakhek )
ການປຸກສ້າງອາຄານຮຽນ,ໂຮງຝຶກງານ ແລະ ສິ່ງອຳນວຍຄວາມສະດວກອື່ນໆ ແມ່ນໄດ້ເລິ້ມລົງມືຈັດຕັ້ງປະຕິບັດໃນເດືອນ 6 ປີ 2003 ແລະ ໃຊ້ເວລາປຸກສ້າງ ທັງໝົດ 12 ເດືອນ.
ຕາມແຜນເບື້ອງຕົ້ນໂຄງການນີ້ຈະສິ້ນສຸດລົງໃນທ້າຍປີ 2005 ແຕ່ຍ້ອນເຫັນຄວາມຈຳເປັນ ດ້ານຄວາມຍືນຍົງຄົງຕົວຂອງໂຄງການ ກໍຄືການສ້າງໃຫ້ເປັນໂຮງຮຽນຕົວແບບ, ທາງປະເທດໃຫ້ທືນຈຶ່ງເຫັນດີສືບ ຕໍ່ໃຫ້ການສະໜັບສະໜູນໄປອີກ 2 ປີ ຈົນຮອດທ້າຍປີ 2007
ສົກຮຽນ 2009 – 2010 ໂຮງຮຽນເປີດສອນ ຫລັກສູດ 8 ສາຂາ ວິຊາສະເພາະ:
- ຊ່າງກໍ່ສ້າງເຄຫາ
- ຊ່າງເຟີນີເຈີໄມ້
- ຊ່າງໄຟຟ້າເຕັກນິກ
- ຊ່າງຕັດຫຍິບເສື້ອຜ້າ
- ປຸງແຕ່ງອາຫານ-ການໂຮງແຮມ
- ບໍລິຫານທຸລະກິດ
- ຊ່າງສ້ອມແປງທົ່ວໄປ
- ເຕັກໂນໂລຊີ ຂໍ້ມູນຂ່າວສານ (IT)
ສົກຮຽນ 2012-2013 ໂຮງຮຽນເຕັກນິກ-ວິຊາຊີບ ແຂວງຄຳມ່ວນ ໄດ້ມີຂໍ້ຕົກລົງໃຫ້ຍົກລະດັບເປັນວິທະຍາໄລ ເຕັກນິກ-ວິຊາຊີບ ແຂວງຄຳມ່ວນຕາມເລກທີ 1572/ສສກ.ຈຕ.13 ລົງວັນທີ 30/4/2013